Pam?
Pam cynnwys plant a phobl ifanc mewn adfywio cymunedol?
Rydych yn Weithiwr Datblygu prysur, yn gweithio'n galed i wella'r gymuned yr ydych yn gweithio ynddi:
"Pam ddylech chi fynd i'r drafferth i roi llais i blant a phobl ifanc yn y penderfyniadau a wneir yn y cymunedau lle maent yn byw?"
Mae pobl yn gwneud hyn ledled Cymru ac mae digonedd o resymau pam y dylech chwithau ei wneud hefyd! Daliwch i ddarllen a chewch weld pam:
- Mae ganddynt hawl i fynegi eu barn ac i gael eu clywed (Erthygl 12 Confensiwn y Cenhedloedd Unedig ar Hawliau'r Plentyn). Am ragor o wybodaeth, ewch i'r adran ar Hawliau Plant
- Mae canllawiau Cymunedau yn Gyntaf yn dweud bod rhaid i chi gynnwys plant a phobl ifanc yn y broses. Am ragor o wybodaeth, ewch i'r adran ar Gymunedau yn Gyntaf
- Mae'n arfer da i gynnwys plant a phobl ifanc. Mae llawer o fanteision i blant a phobl ifanc a'r gymuned gyfan hefyd. Am ragor o wybodaeth, daliwch i ddarllen
- Maent yn adnabod y gymuned yn dda, ac maent yn gwybod llawer am y pethau sy'n effeithio ar blant a phobl ifanc (yn fwy felly nag oedolion) - wrth iddynt gael profiad o'r gwaith
- Byddant yn gallu meddwl am atebion cynaliadwy i'r pethau y mae plant a phobl ifanc yn eu hwynebu - fel y maent hwy'n gweld y pethau hyn